Die verlore seun.
Nadat die jongste seun weg is met sy deel van sy vader se
erfporsie, kon die oudste seun nie meer langer sy vader se smart en verlange
aanskou nie. Toe besluit hy om sy broer te gaan soek en terug te bring.
Toe hy hom uiteindelik vind, was hy in die tronk. Hy het sy geld uitgemors en in
die moeilikheid beland. Hy sou tereggestel word.
Die oudste seun kon nie sy vader hierdie smart ook nog
aandoen nie. Hy bied homself toe aan om in die plek van sy broer te
sterf. Die jongste seun was toe vry om terug te gaan na sy vader toe en die
oudste seun sterf in sy plek. Die jongste seun moes egter self besluit of hy
wil terug gaan. Hy het egter sy les geleer en hy was so dankbaar dat sy oudste
broer in sy plek gesterf het. Hy het dadelik terug gegaan.
Toe die jongste seun nog ver aankom, sien sy vader hom al. Hy hardloop hom tegemoet, druk hom was en
huil van vreugde. Daar was ‘n groot fees.
Maar DIE VADER kon nie SY OUDSTE SEUN ook verloor nie. DIE
OUDSTE SEUN was sonder enige kwaad in HOM en SY VADER het alles vir HOM
beteken. GOD wek toe SY OUDSTE SEUN uit die dood op en nou lewe AL DRIE VAN
HULLE vir ewig en ewig gelukkig saam.
Fluit-fluit, my storie is uit!
